ഞാന്‍ ഒരു കടലായി ഒഴുകുകയാണ്,
സ്വാതന്ത്രത്തെ തേടിയുള്ള യാത്ര ഞാന്‍
പാടെ ഉപേക്ഷിച്ചു.
കൂട്ടില്‍ അകപ്പെട്ട കുഞ്ഞു പെങ്ങളായി
വീണ്ടും ജീവിക്കുവാന്‍ തുടങ്ങി.
ജീവിത മാധുര്യങ്ങളെ വീക്ഷിക്കാനാവാതെ,
ബന്ധങ്ങളുടെ വിലയറിയാതെ, വാക്കില്‍
പൊതിഞ്ഞ സ്നേഹത്തിന്റെ അര്‍ത്ഥം തേടി
ഞാന്‍ എന്നും അലഞ്ഞു നടക്കുകയായിരുന്നു.
പകലുകള്‍ എനിക്കു കാഴ്ച്ച തന്നില്ല,
ഇരുട്ടിന്റെ സഹചാരിയായി മാറി, ഉള്ളിലെ
തീവ്ര നാളങ്ങളെ എങ്ങും കണ്ടതുമില്ല.
ഞാന്‍ എന്നെ തന്നെ കൊല്ലുകയായിരുന്നു.
എന്‍റെ വികാരങ്ങളെ എല്ലാം മയക്കി
കിടത്തുകയായിരുന്നു.അവയെ താരാട്ടു
പാടിയുറക്കുവാന്‍ ഞാന്‍ നന്നേ കഷ്ടപ്പെട്ടു..
No comments:
Post a Comment