ഹൈക്കുസ്‌

ഞാന്‍ 

"അറ്റമില്ലാത്ത സ്നേഹം 

അനന്തമായ നീലാകാശം 

രണ്ടിനെയും ബന്ധിപ്പിക്കുന്ന 

ഞാന്‍ എന്ന ചരട് 

വലിച്ചു നീട്ടുന്നത് 

വേറൊരുന്‍മാദത്തിന്‍ ലഹരികള്‍ " .

ഏകാന്തത 

"ഏകാന്തതയുടെ ചില്ലുകൂട്ടിന്നരികിലായി 

തിമിര്‍ത്തു പെയ്യുന്ന 

മഴയുടെ സംഗീതം കേള്‍ക്കുവാനായി 

ഞാന്‍ എന്റെ കാതുകള്‍ക്ക് 

മൂര്‍ച്ച കൂട്ടൂന്നു".

അക്ഷരം 

"തിരുത്തി കുറിക്കുമീ 

താളുകളെങ്ങും 

മഷിത്തണ്ടിനാല്‍ പൂത്ത 

വിസ്മയം കാണുവാന്‍ ".

സമയം 

"അടര്‍ന്നു വീഴുന്നിതാ ഘടികാര സൂചികള്‍ 

സമയമെതെന്നറിയാതെ തിരയുന്നു 

ഞാനിന്നീ കാലങ്ങളേ .."

മൗനം 

"തളിര്‍ക്കുന്നു,പൂക്കുന്നു  

മൗനം വിട്ടകലുന്നു 

തേന്മൊഴി ഉരിയാടുകയായി".