February 19, 2013

രാഗലോലം



വെള്ളരി പ്രാവിന്റെ 
കുറുകലില്‍ ,
ഒളിഞ്ഞു നിന്ന നാദരൂപം 
ചുരത്തുന്നിതാ ...
ഇത്തിരിപ്പൂവിന്റെ 
തേന്‍ തുള്ളികള്‍ .

നിളയില്‍ മുങ്ങി നീരാടുന്ന 
നിശാകുമിളകള്‍ 
വലം കയ്യാല്‍ ഏതോ 
മേഘങ്ങളെ ധ്യാനിച്ചു 
മുങ്ങാങ്കുഴി ഇട്ടും 
ഇളകിയാടുകയായി. 

അന്തിമൊട്ടുകള്‍ 
കണ്‍-ചിമ്മിയ 
നിലാവിന്റെ കളിയരങ്ങില്‍ 
കിതച്ചു നില്‍ക്കേണ്ടി വരുന്ന -
തേതൊരു പൊന്‍പട്ടിന്റെ 
ആത്മദാഹമാണ് ....?

സ്വയമിറങ്ങിയ പടവുകളില്‍ 
തളിരിന്‍ നിലാവ് പുതച്ചു 
മുഖത്തെണ്ണ ചാര്‍ത്തി 
പല്ലക്കില്‍ ചിരിച്ചുറഞ്ഞും  
ഗാഥയ്ക്കു ചുറ്റും 
സുഗന്ധി പൂക്കളുടെ 
നേരിയ താരാട്ട് 
വളഞ്ഞെത്തുകയായി .

4 comments:

  1. അന്തിമൊട്ടുകള്‍
    കണ്‍-ചിമ്മിയ
    നിലാവിന്റെ കളിയരങ്ങില്‍
    കിതച്ചു നില്‍ക്കേണ്ടി വരുന്ന -
    തേതൊരു പൊന്‍പട്ടിന്റെ
    ആത്മദാഹമാണ് ....?

    ശുഭാശംസകള്‍ .....

    ReplyDelete
  2. നന്നായിട്ടുണ്ട്

    ReplyDelete
  3. ഗാഥെ .......................... മനോഹരി

    ReplyDelete