മനസ്സിലെങ്ങും ചിന്തകളുടെ
നിഴലാട്ടമായി പുള്ളികുത്തുകള്‍
വീണും, പിടഞ്ഞും കളിയാടവേ -
പുഴവക്കിലെങ്ങും നിറഞ്ഞ
മയിലാട്ടമായി ചുവടുകള്‍
വെച്ചും,വിതച്ചും പകലി-
ന്നര്‍ദ്ധ യാമങ്ങള്‍ നീങ്ങീടവേ
അസ്തമയങ്ങള്‍ എന്നില്‍
പിറക്കുന്നു ഭാവ സാഗരമായി.
കവികള്‍തന്‍ പാടിയുണര്‍ത്തീടുന്ന
രാഗലയമായി സ്വയംവരപ്പന്തലില്‍
ഇളംപനിനീര്‍പ്പൂപോല്‍ ഈണങ്ങള്‍
വിരിയിച്ചും ശിലാ കാവ്യമായി-
ഉടലുകള്‍ക്കു ജീവന്‍ വെയ്പ്പിച്ചും
ആനന്ദമെന്തെന്നറിഞ്ഞീടുന്നു .
മായാത്ത ഓര്‍മ്മതന്‍ചില്ലുക്കൂട്ടില്‍
താരാങ്കണങ്ങളേ നോക്കീടുന്ന അക-
ക്കണ്ണുമായി ജാലകം തുറക്കവേ ,
ചുവന്ന നാടയില്‍ തീര്‍ത്തോരീറന്‍
മേഘപാളിയായി നെഞ്ചിനറകളില്‍
വേദനയെന്തെന്നറിയിച്ചീടുന്നു.
നിനച്ചിരിക്കാതെ വന്ന ഈറന്‍ -
കാറ്റിനോടായി ഓതിയ കഥക-
ളത്രയും മാനസച്ചിറകുകളെ തേരി-
ലേറ്റി ഓമനിച്ചീ ടുന്നു ആര്‍ദ്രമായി.
പവിഴങ്ങള്‍ പോലെ നിലാ കായലില്‍..
തകര്‍ത്തു പെയ്യുന്ന ദിനരാത്രങ്ങള്‍ക്കു
തിളക്കമായി പൂര്‍ണ്ണത കൈവരുന്നു .
.
No comments:
Post a Comment